ମାଟିକୁ କରିବା ଓଦା

ଚାଳ ଛପର 

ମାଟି କାନ୍ଥର ଘର

ଆଉ କେତେ ଦିନ ସମ୍ଭାଳି ପାରିବ କୁହ

ଗଜା ମରୁଡ଼ି ପରି

ଦାନା ବାନ୍ଧିଥିବା ଭୋକ, ମହାମାରୀ

ଘୃଣା, ନିର୍ଯ୍ୟାତନା

ବର୍ବରତା ଓ 

ନ୍ୟାୟିକ ତତ୍ତ୍ୱାବଧାନରେ

ପାରିତ କରୁଥିବା

ମୁଷ୍ଟିମେୟ ବୈମାତୃକ

ଚତୁର୍ଥ ଶ୍ରେଣୀର ଆଖ୍ୟାରେ ମଣ୍ଡିତ

ଐତିହ୍ୟ ଘୋଷଣାନାମାକୁ । ।

ଆସରେ ମୋର  ମୂଲନିବାସୀ ଭାଇ ମାନେ 

ରକତ ଛିଞ୍ଚି ମାଟିକୁ କରିବା ଓଦା

‘ଳାଇଦେବା 

ଭାଇଚାରା ଜାତୀୟତାର

ମାଣ ମାଣ ‘ସଲ 

ସ୍ନେହ, ପ୍ରେମ, ଶ୍ରଦ୍ଧା  ।

ତୁମର ମନେ ଅଛି କି ନାହିଁ 

ଏ ଦେଶ ଗଢ଼ିଥିଲେ

ଆମର ପୂର୍ବ ପୁରୁଷ 

 ପୁନଃ ଗଢ଼ିବା ଆସ

ନଚେତ  ଜାତି କୁଟୁମ୍ବେ ଲାଗିବ ଦୋଷ ।

ଲାଲ ସର ସର ଘା’

‘ଫୁଟି ଆଁ କରିଛି 

ତୁମର ଯୋଡ଼ା ପାଦ 

ଉଖାଡି ‘ିଙ୍ଗ ସରିଯାଇଥିବା 

ଦରଦୀ ଚମଡା ଟିକିଏ ଦାନ୍ତ ଚାବି ।

ହେଇ ଦେଖ..!

ରାଷ୍ଟ୍ର  ଆଖିରେ ଲୁହ

ମାଲିକ ପାଟିରେ ନିଆଁ

ବାପ ଦେହରେ ପ୍ରଚଣ୍ଡ ଖରା ଓ

ବିଦ୍ରୋହୀର ଅସହ୍ୟ ତାପ

ମା’ର ସୁଟକେସ୍ ଗାଡ଼ିରେ

କୋମଳମତି ପିଲାର ରଙ୍ଗୀନ ସ୍ୱପ୍ନ । ।

 ତୁମେ ପାଲଟି ଯାଇଛ

ଗୋଟେ ଅନାବଶ୍ୟକ ବସ୍ତୁ ।

କଣ୍ଟେନରରେ ବୁହା ଯାଅ

କଖାରୁ ପରି ସହର ରୁ ଗାଁ ।

ଆଚମନ କର ରାସ୍ତାକଡ଼ରେ

ଲାତ୍ ଘୁସା ବେତ ପାହାର 

ଜୀବନ ବିକଳେ କର ଚିତ୍କାର

ଏମିତିରେ  ବି ଅଛି ଚାଲିବାର

ଆଉ ମାଇଲ୍ ମାଇଲ୍ ବାଟ

ବାଟ କୁ ଡର ନି 

ପାଦ ବଢାଅ 

ଏ ବାଟ ହିଁ ତ ଦିନେ କଢେଇ ନେଇଥିଲା 

ଆମର ଗନ୍ତବ୍ୟ ଜାଗାକୁ । ।

ତାରାପଦର, ତଳ ଆମପଦର, ଥୁ.ରାମପୁର

କଳାହାଣ୍ଡି, ମୋ: ୭୦୦୮୫୪୮୩୯୧.