ସେଇ ନିଟୋଳ ରୂପରେ ସମର୍ପି ଦେଇ ନିଜକୁ
ସ୍ବପ୍ନ ଡ଼େଣାରେ ରଙ୍ଗ ମାଖିଛି
ବିଭୋର ପଣର
ଅବଚେତନାରେ ଚାହିଁଛି
ତୋ ଦେହ ବେଦୀର ମୁଖଶାଳାକୁ......
ପୁଣି ବି ସାଉଁଟିଛି ନିଃ...ସ୍ବ...ହେବାର ଧୃଷ୍ଟତା
ଉପଲବ୍ଧ କରିଛି
ଅସ୍ଥିମଜ୍ଜାରେ ପ୍ରତିଟି
ରକ୍ତ କଣିକାକୁ...
ଶତ ପଦ୍ମରେ ଭାସ୍ବର
ଦୀପ୍ତିମନ୍ତ ନିଶବ୍ଦ ସ୍ବରର
ଚିର ଇପ୍ସିତ ମାର୍ଗ -ମର୍ଗାନ୍ତରରୁ
ଆସିବାକୁ ହେବ
ଆଲୋକର ବର୍ଣ୍ଣବିଭାକୁ.....
ପ୍ରଜ୍ଞା ପାଣ୍ଡିତ୍ଯର
କପଟ ପ୍ରବଞ୍ଚନା
ସରଳ ସଠତା ଭେଦି
ପାପ-ପୂଣ୍ଯ
ନୀତି-ଅନୀତି
ରିଆଜ ସୁର୍ର ଧାରେ
ଉର୍ଦ୍ଧ୍ବତାର ଗର୍ଭ ଗୃହରେ
ଗୁଂଜରିତ ପ୍ରଣବ ମନ୍ତ୍ର
ଦେହଂ ଦେହୀର ଓଁ କାର
ବିଜୟ ସ୍ବରର ଅନ୍ତଃ କରଣରେ
ଦକ୍ଷ ଅଲଂଘ୍ଯତାରେ
ଦେହାତୀତ ହେବାକୁ........
